
Фільм «Too Big Drawing» атрымаў узнагароду «Лепшы рэжысёр» паводле рашэння журы, а таксама прыз глядацкіх сімпатый на 16-м фестывалі кароткаметражнага кіно SorsiCorti (Палерма, Італія).
Матывацыя журы:
«Найбольш за ўсё ў гэтай працы нас уразіла цудоўная здольнасць да абагульнення, якой удалося дасягнуць у кароткаметражным фільме. У ягонай прастаце ёсць сапраўды геніяльныя знаходкі, а разам з тым — глыбіня, якая дазваляе за некалькі хвілін расказаць пра жыццё, мару, жаданне, пра існаванне, заключанае ў кончыку алоўка, напоўненым фарбамі і порамі года, усмешкамі і ўяўнымі слязьмі.
Інакш кажучы, гэта здольнасць расказаць пра многае з дапамогай малога — не літаральна і не апісальна, не ўпадаючы, нягледзячы на прастату, у банальнасць, да самага канца».